Recently Finished
Live Cricket
Upcoming Matches
No live scores available
View All Matches

آئرلینڈ نے ویسٹ انڈیز کے ہاتھوں ون ڈے سیریز میں کلین سویپ شکست کے بعد ٹی ٹوئنٹی سیریز کا شاندار انداز میں آغاز کیا ہے۔ آئرلینڈ نے پہلے ٹی ٹوئنٹی میچ میں سنسنی خیز مقابلے کے میزبان ٹیم کو چار رنز سے شکست دے کر تین میچوں کی سیریز میں 0-1 کی برتری حاصل کر لی ہے۔
پہلے ٹی ٹوئنٹی میچ میں آئرلینڈ نے پہلے بیٹنگ کرتے ہوئے 20 اوورز میں 208 رنز اسکور کیے جس میں پال اسٹرلنگ کے دھواں دھار 95 اور کیون اوبرائن کے 38 رنز شامل تھے۔ ویسٹ انڈیز کی طرف سے شیلڈن کوٹریل اور ڈوین براوو نے دو، دو وکٹیں حاصل کی تھیں۔
ہدف کے تعاقب میں ویسٹ انڈیز کے بیٹسمینوں نے بھی خوب مقابلہ کیا لیکن قسمت آئرلینڈ پر مہربان تھی۔ کیریبین ٹیم مقررہ بیس اوورز میں 209 رنز کے تعاقب میں 204 رنز ہی بنا سکی۔ پال اسٹرلنگ کو میچ کا بہترین کھلاڑی قرار دیا گیا۔