Recently Finished
Live Cricket
Upcoming Matches
No live scores available
View All Matches

بنگلہ دیشی ٹیم کے ہیڈکوچ رسل ڈومینگو نے پاکستان کے خلاف ٹی ٹوئنٹی سیریز کو اپنی ٹیم کے لیے چیلنج قرار دے دیا۔ اپنے ایک انٹرویو میں رسل ڈومینگو نے کہا کہ پاکستان ٹی ٹوئنٹی میں نمبرون ٹیم ہے اور انہیں ان کے ہوم گراؤنڈ پر ہرانا کسی چیلنج سے کم نہیں ہو گا۔
ایک سوال کے جواب میں انہوں نے کہا کہ شکیب الحسن کے بغیر یہ سیریز اور بھی مشکل ہو گی کیونکہ شکیب الحسن چار اچھے اوورز کراتے ہیں اور نمبر تین پر بیٹنگ بھی کر لیتے ہیں۔ ہیڈکوچ نے ٹاپ آل راؤنڈر کی غیرموجودگی میں دیگر بیٹسمینوں اور بولرز سے امید لگا لی ہے۔
ہیڈکوچ نے کہا کہ ہمارے پاس دیگر بیٹسمین اور بولرز بھی موجود ہیں جو اپنی صلاحیت کے مطابق کھیل کر شکیب الحسن کی کمی کو پورا کر سکتے ہیں لیکن تسلسل کے ساتھ پرفارم کرنا ان کے لیے چیلنج ہو گا۔ پاکستان اور بنگلہ دیش کے درمیان ٹی ٹوئنٹی سیریز 24 جنوری سے شروع ہو گی۔