Recently Finished
Live Cricket
Upcoming Matches
No live scores available
View All Matches

ساؤتھ افریقہ اور انگلینڈ کے درمیان جاری تیسرے ٹیسٹ میچ میں مہمان ٹیم کے کپتان جو روٹ کو آؤٹ کرنے کے بعد فاسٹ باؤلر کگیسو رباڈا نے جو روٹ کے نزدیک جا کر بہت جوشیلے انداز میں جشن منایا تھا لیکن ان کی یہ حرکت انہیں بھاری پڑ گئی ہے۔ کگیسو رباڈا کو 24 ماہ میں چار ڈی میرٹ پوائنٹس ملنے کی وجہ سے ایک ٹیسٹ میچ کی پابندی کا سامنا کرنا پڑے گا۔
ساؤتھ افریقی فاسٹ باؤلر انگلینڈ کے خلاف ہونے والے آخری ٹیسٹ میچ میں ٹیم کی نمائندگی نہیں کر سکیں گے جو کہ 24 جنوری سے جوہانسبرگ میں شروع ہو گا۔ اس علاوہ کگیسو رباڈا کو میچ فیس کا 15 فیصد جرمانہ بھی کیا گیا ہے۔
کگیسو رباڈا کو پہلا ڈی میرٹ پوائنٹ فروری 2018 میں بھارت کے خلاف پانچویں ون ڈے میچ میں دیا گیا تھا۔ انہیں دوسرا اور تیسرا ڈی میرٹ پوائنٹ مارچ 2018 میں آسٹریلیا کے خلاف دوسرے ٹیسٹ میچ کے دوران ملا تھا۔