Recently Finished
Live Cricket
Upcoming Matches
View All Matches

قومی کرکٹ ٹیم کے سابق آل راؤنڈر عبدالرزاق نے گزشتہ دنوں کہا تھا کہ اگر آئی پی ایل اور پی ایس ایل کی ٹیموں کے درمیان میچز ہوں تو پاکستان سپر لیگ کی ٹیم فاتح ہو گی۔ اب اسلام آباد یونائیٹڈ نے بھی پاکستان اور بھارت کے درمیان فرنچائز کرکٹ کی حمایت کر دی ہے۔
کراچی میں پریس کانفرنس کرتے ہوئے اسلام آباد یونائیٹڈ کے مالک علی نقوی نے کہا کہ دونوں ملکوں کی فرنچائزز کے درمیان میچز ہونے چاہیئں مگر ہم سب جانتے ہیں کہ میچز کس وجہ سے نہیں ہو پاتے۔
اسلام آباد یونائیٹڈ کے مالک نے بتایا کہ ان کی ممبئی انڈینز کے مالکان سے ملاقات ہوئی اور دونوں لیگز کے بارے میں طویل بات چیت بھی ہوئی تھی۔
علی نقوی نے کہا کہ غیرملکی کھلاڑی کہتے ہیں کہ پی ایس ایل میں آئی پی ایل سے زیادہ کوالٹی کرکٹ ہوتی ہے اس لیے میرے خیال میں شاید ہمارا پلڑا بھاری ہے۔