Recently Finished
Live Cricket
Upcoming Matches
View All Matches

پاکستان سپر لیگ کی فرنچائز لاہور قلندرز کے مالکان نے لاہور میں ایک ہائی پرفارمنس سینٹر کا افتتاح کیا جہاں تجربہ کار کوچز کی نگرانی میں نوجوان کرکٹرز کو مستقبل کیلئے تیار کیا جائے گا۔ ایک تقریب میں لاہور قلندرز کے چیف ایگزیکٹو آفیسر عاطف رانا نے اعلان کیا کہ لاہور کے بعد اب کراچی میں بھی کرکٹ اکیڈمی بنائیں گے۔
انہوں نے کہا کہ لاہور قلندرز صرف لاہور کی ٹیم نہیں ہے، ہم پورے پاکستان میں کرکٹ کی بہتری چاہتے ہیں۔ اس موقع پر معروف سیاسی شخصیت خلیل احمد نینی تال والا نے لاہور قلندرز کو کراچی میں اکیڈمی کے قیام کے لیے اپنا گراؤنڈ دینے کا بھی اعلان کیا۔
عاطف رانا کہتے ہیں کہ ہائی پرفارمنس سینٹر بنانے کے بعد بھی پورے سال ملک کے مختلف شہروں میں ٹرائلز کا سلسلہ جاری رکھیں گے۔ عاطف رانا اس مرتبہ لاہور قلندرز کی کامیابی کیلئے بہت پرعزم ہیں۔ ان کا کہنا ہے کہ پی ایس ایل فائیو میں لاہور قلندرز کی ٹیم ضرور کامیابی حاصل کرے گی۔