Recently Finished
Live Cricket
Upcoming Matches
View All Matches

پنڈی ٹیسٹ میں بنگلہ دیش کے خلاف نسیم شاہ کی ریکارڈ ساز ہیٹ ٹرک کے بعد ویسٹ انڈیز کے لیجنڈری سابق بیٹسمین اور پاکستان سپر لیگ کی دفاعی چیمپئن کوئٹہ گلیڈی ایٹرز کے مینٹور سر ویو رچرڈز نے نوجوان فاسٹ بولر کی خوب تعریف کی ہے۔
سر ویو رچرڈز نے سماجی رابطوں کی ویب سائٹ ٹویٹر پر کوئٹہ گلیڈی ایٹرز کی محنت کو سراہا۔ گلیڈی ایٹرز کے مینٹور کا کہنا ہے کہ انہیں اس ٹیم کا حصہ ہونے پر فخر ہے۔
انہوں نے نسیم شاہ اور محمد حسنین کا نام لیتے ہوئے کہا کہ کوئٹہ گلیڈی ایٹرز کی ٹیم مسلسل نہ صرف ٹیلنٹ کو تلاش کر رہی ہے بلکہ نسیم شاہ اور محمد حسنین جیسے نوجوان کھلاڑیوں پر محنت بھی کر رہی ہے۔
نسیم شاہ ٹیسٹ کرکٹ میں ہیٹ ٹرک کرنے والے دنیا کے سب سے کم عمر بولر ہیں جبکہ ٹی ٹوئنٹی فارمیٹ میں یہ ریکارڈ محمد حسنین کو حاصل ہے۔ دونوں فاسٹ بولرز کوئٹہ گلیڈی ایٹرز کی ٹیم کا حصہ ہیں۔