Recently Finished
Live Cricket
Upcoming Matches
View All Matches

پاکستان اور بنگلہ دیش کے درمیان کھیلے جانے والے راولپنڈی ٹیسٹ کے دوسرے روز قومی ٹیم کے کپتان اظہر علی صرف 32 رنز بنا کر پویلین لوٹے۔ بنگلہ دیش ٹیم کے بولر ابو جید نے اظہر علی کو آؤٹ کرنے کے بعد زیادہ قریب جا کر نامناسب انداز میں جشن منایا جس وجہ سے آن فیلڈ امپائر نے انہیں باضابطہ وارننگ دی۔
مہمان ٹیم کے فاسٹ بولر ابو جید نے آئی سی سی کے آرٹیکل 2.5 کی خلاف ورزی کی اور آئی سی سی قوانین کے تحت انہیں ایک ڈی میرٹ پوائنٹ بھی دیا گیا۔
واضح رہے کہ اگر کسی کھلاڑی 24 ماہ کے دوران چار ڈی میرٹ پوائنٹس مل جائیں تو اس کو معطلی کا سامنا کرنا پڑ سکتا ہے۔
ابو جید نے پاکستان کیخلاف پہلی اننگز میں 3 کھلاڑیوں کو آؤٹ کیا جن میں عابد علی، اظہر علی اور بابر اعظم کی اہم وکٹیں شامل تھیں۔