Recently Finished
Live Cricket
Upcoming Matches
No live scores available
View All Matches

آسٹریلیا کے جارح مزاج بیٹسمین گلین میکسویل کو دورہ بھارت سے ڈراپ کر دیا گیا تھا جس کے بعد انہیں دورہ ساؤتھ افریقہ کے لیے ٹی ٹوئنٹی اور ون ڈے اسکواڈ میں شامل کر لیا گیا۔ گلین میکسویل کو بگ بیش لیگ (بی بی ایل) کے 9ویں ایڈیشن کے دوران کہنی میں تکلیف کی شکایت تھی جو سنجیدہ نوعیت اختیار کر گئی۔
گلین میکسویل کی تکلیف بڑھنے کی وجہ سے ان کی کہنی کی سرجری کا فیصلہ کیا گیا ہے اور یہی وجہ ہے کہ وہ دورہ ساؤتھ افریقہ سے بھی باہر ہو گئے ہیں۔ گلین میکسویل کی جگہ ڈارسی شارٹ کو ون ڈے اور ٹی ٹوئنٹی سیریز کیلئے طلب کر لیا گیا ہے۔
گلین میکسویل کا کہنا ہے کہ انہیں دورہ ساؤتھ افریقہ سے باہر ہونے کا بہت دکھ ہے، میری نیک خواہشات تمام کھلاڑیوں کے ساتھ ہیں اور میں گھر بیٹھ کر یہ سیریز دیکھوں گا۔ انہوں نے سپورٹ کرنے پر تمام مداحوں کا شکریہ بھی ادا کیا۔