Recently Finished
Live Cricket
Upcoming Matches
View All Matches

پاکستان کے معروف گلوکار علی ظفر نے پی ایس ایل کا نیا ترانہ ذاتی حیثیت میں تیار کر لیا ہے لیکن پاکستانی عوام کے لیے اس سے بڑی خوشخبری یہ ہے کہ وہ بھی اس گانے کا حصہ بن سکتے ہیں۔ گزشتہ روز علی ظفر نے سوشل میڈیا پر ویڈیو پیغام میں اپنے مداحوں کو خوشخبری سنائی کہ گانا تیار ہو گیا ہے۔
علی ظفر نے کہا کہ گانا میں نے بنایا ہے، اب باری ہے ویڈیو کی اور ویڈیو آپ لوگ بنائیں گے۔ انہوں نے ویڈیو میں ڈانس کر کے دکھایا اور عوام سے گزارش کی کہ وہ اسی طرح کے ڈانس کی ویڈیو اپنے دوستوں یا پھر اکیلے ہی بنا کر مجھے بھیجیں۔
علی ظفر کے مطابق اچھا پرفارم کرنے والے کو آفیشل گانے کا حصہ بنایا جائے گا۔ اپنی اس ویڈیو سے قبل علی ظفر نے سوشل میڈیا پر ایک اور ویڈیو بھی جاری کی تھی جس میں وہ ڈھول کی تھاپ پر رقص کرتے نظر آئے تھے۔