Recently Finished
Live Cricket
Upcoming Matches
No live scores available
View All Matches

بنگلہ دیش کے اوپننگ بیٹسمین تمیم اقبال ڈیڑھ سال سے ون ڈے کرکٹ میں سنچری اسکور نہیں کر سکے تھے مگر زمبابوے کے خلاف دوسرے ایک روزہ میچ میں انھوں نے ایک ہی ساتھ 2 ریکارڈز قائم کر ڈالے۔ سیلہٹ میں کھیلے گئے میچ میں تمیم اقبال نے 158 رنز کی شاندار اننگز کھیلی جو بنگلہ دیش کے لیے ون ڈے کرکٹ میں سب سے بڑی انفرادی اننگز ثابت ہوئی۔
تمیم اقبال نے اپنا ہی 154 رنز کا ریکارڈ توڑا جو انھوں نے 2009 میں قائم کیا تھا۔ اسی کے ساتھ بنگلہ دیشی اوپنر نے ون ڈے کرکٹ میں 7 ہزار رنز بھی مکمل کر لیے اور وہ یہ اعزاز پانے والے بنگلہ دیش کے پہلے بیٹسمین ہیں۔
تمیم اقبال نے 204 اننگز میں 12 سنچریوں اور 47 نصف سنچریوں کی بدولت 7 ہزار رنز مکمل کیے۔ تمیم اقبال کی اس اننگز کی بدولت بنگلہ دیش نے دوسرے ون ڈے میں زمبابوے کو باآسانی شکست دی۔