Recently Finished
Live Cricket
Upcoming Matches
No live scores available
View All Matches

کراچی پریس کلب نے سر ویو رچرڈز اور پشاور زلمی کے کوچ ڈیرن سیمی کو تاحیات اعزازی ممبرشپ دینے کا اعلان کیا تھا۔ اس حوالے سے نیشنل اسٹیڈیم کراچی میں تقریب کا اہتمام کیا گیا۔ کراچی پریس کلب کے عہدیداران نے ویو رچرڈز کو اعزازی ممبر شپ دی جبکہ انہیں سندھی ٹوپی اور اجرک بھی پیش کی گئی۔
اس موقع پر گفتگو کرتے ہوئے ویو رچرڈز نے کہا کہ وہ کراچی پریس کلب کے تہہ دل سے مشکور ہیں جنھوں نے اس اعزاز سے نوازا ہے، پاکستان سے میرا خاص تعلق ہے، یہاں بہت پیار ملا۔ انہوں نے اعلان کیا کہ وہ جب تک صحت مند ہیں پاکستان آتے رہیں گے۔
اس موقع پر کوئٹہ گلیڈی ایٹرز کے ہیڈکوچ معین خان اور مینجر اعظم خان کو بھی سندھی ٹوپی اور اجرک تحفے میں دی گئی۔ کراچی پریس کلب کی جانب سے ڈیرن سیمی کو بھی اعزازی ممبر شپ دی جائے گی۔