Recently Finished
Live Cricket
Upcoming Matches
No live scores available
View All Matches

پاکستانی کرکٹرز کی جانب سے سوشل میڈیا پر آئے روز ڈسپلن کی خلاف ورزیاں سامنے آتی ہیں جس وجہ سے پاکستان کرکٹ بورڈ (پی سی بی) نے نئی پالیسی بنانے کا فیصلہ کر لیا ہے۔
پی سی بی نے اپنی سوشل میڈیا پالیسی پر نظرثانی کرنے اور سینٹرل کنٹریکٹ والے کھلاڑیوں کے لیے نئی گائیڈ لائن جاری کرنے کا فیصلہ کیا ہے۔ اس کیس میں حسن علی اور یاسر شاہ کی غیراخلاقی ویڈیو کو بنیاد بنایا گیا ہے۔
پی سی بی ترجمان کے مطابق اکثر کھلاڑیوں کی جانب سے خلاف ورزیاں دیکھنے میں آ رہی ہیں، جلد کرکٹرز کو یہ بھی بتایا جائے گا کہ وہ جب میڈیا کے سامنے آئیں تو ان کی حدود کیا ہونی چاہیے اور اگر وہ سوشل میڈیا استعمال کریں تو ان کی حدود کیا ہونی چاہیے۔
ذرائع کے مطابق پی سی بی محمد حفیظ کے شرجیل خان سے متعلق اور محمد رضوان کے عماد وسیم سے متعلق حالیہ بیانات سے بھی خوش نہیں ہے۔ بورڈ ترجمان کے مطابق جب دفاتر دوبارہ کھلیں گے تو اس کے بعد ہی اس حوالے سے کوئی حتمی فیصلہ کیا جائے گا۔