Recently Finished
Live Cricket
Upcoming Matches
View All Matches

انگلش کرکٹ ٹیم کے ٹاپ آرڈر بیٹسمین ایلکس ہیلز پاکستان سپر لیگ کھیلنے کے بعد انگلینڈ پہنچے تھے تو ان میں کورونا وائرس کی علامات پائی گئیں تھی جس وجہ سے وہ 14 دن کیلئے آئسولیشن میں ہیں۔ تنہائی میں ایلکس ہیلز نے سماجی رابطوں کی ویب سائٹ ٹویٹر پر اپنی پسندیدہ کھلاڑیوں کے نام بتائے جس میں راولپنڈی ایکسپریس شعیب اختر بھی شامل ہیں۔
ایلکس ہیلز نے اپنی ایک ٹویٹ میں تین فیورٹ انگلش کرکٹرز کے نام بتائے جن میں 37 ٹیسٹ اور 32 ون ڈے میچز کھیلنے والے فاسٹ بولر ڈومینیک کورک کے علاوہ کیون پیٹرسن اور گراہم تھورپ بھی شامل ہیں۔ گراہم تھورپ نے 100 ٹیسٹ اور 82 ایک روزہ میچوں میں انگلینڈ کی نمائندگی کی تھی۔
اس کے علاوہ انہوں نے دیگر ٹیموں میں سے اپنے آل ٹائم فیورٹ کرکٹر کے نام لیے جس میں ویسٹ انڈیز کے برائن لارا، پاکستان کے شعیب اختر اور ساؤتھ افریقہ کے ہرشل گبز شامل ہیں۔