Recently Finished
Live Cricket
Upcoming Matches
No live scores available
View All Matches

عابد علی نے ڈیبیو پر آسٹریلیا کے خلاف سنچری کے ساتھ اپنے ون ڈے کیریئر کا آغاز کیا تھا اور بعد میں اپنے ٹیسٹ کیریئر کا آغاز بھی سنچری کے ساتھ کیا۔ انھوں نے ون ڈے سنچری کا ایک سال مکمل ہونے پر یادگار اننگز کی یادیں تازہ کیں۔ اس یادگار موقع پر اوپننگ بیٹسمین نے مستقبل میں بھی شاندار پرفارمنس کا عزم ظاہر کیا۔
اپنے ایک انٹرویو میں عابد علی نے کہا کہ اس سفر میں ساتھ دینے والے کوچز، ساتھی کھلاڑیوں اور بھرپور سپورٹ کرنے والے پرستاروں کا شکریہ ادا کرتا ہوں، آئندہ بھی جس فارمیٹ میں موقع ملا اپنا انتخاب درست ثابت کرنے کی کوشش کروں گا۔
عابد علی کو پی ایس ایل مکمل نہ ہونے کا افسوس ضرور ہے مگر ان کا کہنا تھا کہ عوام کی صحت و سلامتی سب سے اہم ہے، پوری امید ہے پاکستانی قوم اس موذی وائرس کیخلاف جنگ میں سرخرو ہو گی، میں بھی حکومتی ہدایات پر عمل کرتے ہوئے اپنے گھر میں ٹریننگ کر رہا ہوں۔