Recently Finished
Live Cricket
Upcoming Matches
View All Matches

پاکستان کرکٹ ٹیم کے سابق باؤلنگ کوچ اظہر محمود نے موجودہ ٹیم مینجمنٹ کو مشورہ دیا ہے کہ پلیئرز کو اس وقت بھی سپورٹ کیا جائے جب وہ برے وقت سے گزر رہے ہوتے ہیں۔
اظہر محمود کا کہنا تھا کہ ہر کھلاڑی کے کیریئر میں اچھا اور برا وقت آتا ہے، مشکل وقت میں کھلاڑیوں کو لاوارث نہیں چھوڑنا چاہیے اور یہ نہیں کہنا چاہیے کہ اس کی کرکٹ ختم ہو گئی ہے یا وہ کرکٹ کے علاوہ دیگر چیزوں پر توجہ دے رہا ہے۔
انہوں نے خاص طور پر فہیم اشرف، حسن علی اور شاداب خان کا نام لیتے ہوئے کہا کہ یہ تینوں کھلاڑیوں پاکستان کرکٹ کا مستقبل ہیں اس لیے ان کو بھرپور سپورٹ کیا جائے اور ان کو فوری طور پر دوسرے باؤلرز سے تبدیل نہ کریں۔
یاد رہے اظہر محمود کی کوچنگ کے دور میں فہیم اشرف کو کئی مواقع دیئے گئے لیکن وہ متاثرکن کارکردگی نہیں دکھا سکے۔ حسن علی انجری کا شکار ہو کر ٹیم سے باہر ہو گئے تھے اور ان کی اب تک ��یم میں واپسی نہیں ہو سکی ہے۔