Recently Finished
Live Cricket
Upcoming Matches
View All Matches

کورونا وائرس کی وجہ سے پاکستان کرکٹ بورڈ نے رمضان ٹورنامنٹ کے لیے کھلاڑیوں کو این او سی دینے سے انکار کر دیا تھا۔ پی سی بی کے اس فیصلے کے بعد رمضان ٹورنامنٹس کا انعقاد ممکن دکھائی نہیں دے رہا اور ان ٹورنامنٹس کے منسوخ ہونے سے کئی مقامی کرکٹرز کو مالی دھچکا بھی لگے گا۔
کوئٹہ گلیڈی ایٹرز کی ٹیم کے مالک ندیم عمر نے رمضان ٹورنامنٹ میں شرکت کرنے والے عمر ایسوسی ایٹ ٹیم کے کھلاڑیوں کی مدد کرنے کا اعلان کر دیا ہے۔ ندیم عمر کا کہنا ہے کہ ہم ان کھلاڑیوں کی مالی مدد کریں گے جنہیں واقعی رمضان ٹورنامنٹ نہ ہونے کی وجہ سے مالی مشکلات کا سامنا ہو گا۔
کوئٹہ گلیڈی ایٹرز کی ٹیم کے مینجر اعظم خان نے دوسرے فرنچائز مالکان سے بھی درخواست کی ہے کہ وہ اس مشکل گھڑی میں کرکٹرز کی مدد کریں۔ اعظم خان کا کہنا تھا کہ ان لوگوں کی بھی مدد کرنی چاہیے جو کرکٹ فیلڈ میں دیہاڑی پر کام کرتے ہیں۔