Recently Finished
Live Cricket
Upcoming Matches
No live scores available
View All Matches

قومی ٹیسٹ ٹیم کے کپتان اظہر علی کا کا کہنا ہے کہ گھر پر جتنی بھی ٹریننگ کر لیں لیکن کرکٹ کے لیے میدان کی ضرورت پڑتی ہے۔ انہوں نے بند دروازوں کے پیچھے میچز کروانے کی حمایت کر دی ہے۔ ویڈیو لنک کے ذریعے پریس کانفرنس کرتے ہوئے اظہر علی نے کرکٹ اور ٹریننگ کے لیے گراؤنڈ جانا ضروری قرار دے دیا۔
ان کا کہنا تھا کہ گھر میں جسمانی ٹریننگ کرنے کی کوشش کی جا سکتی ہے لیکن کرکٹ کے لیے آپ کو گراؤنڈ میں جانا پڑتا ہے، پریکٹس کے لیے وسائل اور بولرز چاہیے ہوتے ہیں اس لیے یہ ایک چیلنج ہے اور یہ چیلنج صرف ہمارے لیے نہیں سب کے لیے ہے۔
اظہر علی نے بغیر تماشائیوں کے میچز کروانے کی حمایت کرتے ہوئے کہا کہ اگر بند دروازوں کے پیچھے میچز ہوتے ہیں تو ہم تیار ہیں، مجھے امید ہے کہ حکام جو بھی فیصلہ کریں گے وہ اس چیز کو دیکھیں گے کہ کیا سب محفوظ ہیں اور اگر سب محفوظ ہوتے ہیں تو پھر کرکٹ ضرور ہونی چاہیے۔