Recently Finished
Live Cricket
Upcoming Matches
No live scores available
View All Matches

پاکستان ٹیم کے نوجوان فاسٹ بولر شاہین شاہ آفریدی صرف 20 سال کی عمر میں ہر فارمیٹ میں پاکستان ٹیم کے اہم ستون بن چکے ہیں اور اپنی بولنگ میں مزید نکھار لانے کیلئے ان کی محنت جاری ہے۔
شاہین شاہ آفریدی کا کہنا ہے کہ ورلڈکپ 2019 سے قبل ہی یارکرز پر بہت محنت کر رہا تھا جس میں اظہر محمود نے میری بہت مدد بھی کی اور اب میرے لیے اننگز کے آخری مراحل میں یارکرز کرنا زیادہ مشکل نہیں ہوتا۔
انہوں نے نے بتایا کہ وقار یونس کے بولنگ کوچ بننے سے قبل این سی اے میں ان سے یارکر بولنگ کی ٹپس لیتا تھا کیونکہ وہ اس میں بہت مہارت رکھتے تھے۔ نوجوان بولر نے کہا کہ اگر کوئی وقار یونس سے یارکر کرنا نہیں سیکھ سکتا تو دنیا میں کوئی اور بولر یہ نہیں سکھا سکتا۔
شاہین شاہ آفریدی نے مزید کہا کہ خود کو خوش قسمت سمجھتا ہوں، پہلے اظہر محمود کے ساتھ کام کیا اور اب وقار یونس سے سیکھ رہا ہوں۔
انہوں نے مزید کہا کہ میری اب تک کی کرکٹ میں پاکستان سپر لیگ کا بہت اہم کردار رہا ہے، پی ایس ایل میں کھیلنے کے بعد میری بولنگ میں بہت بہتری آئی ہے۔