Recently Finished
Live Cricket
Upcoming Matches
View All Matches

آسٹریلین ٹیم کے سابق کپتان مارک ٹیلر اور وکٹ کیپر ایڈم گلکرسٹ کا ماننا ہے کہ کورونا وائرس کی وجہ سے پیدا ہونے والی صورتحال کے باعث ملکی کرکٹرز کی آمدنی میں کٹوتی ناگزیر ہے۔ چند روز قبل کرکٹ آسٹریلیا نے اعلان کیا تھا کہ وہ ادارے کے 80 فیصد اسٹاف کو فارغ کرنے کی منصوبہ بندی کر رہے ہیں اور 30 جون تک انہیں صرف 20 فیصد تنخواہ دی جائے گی۔
ایڈم گلکرسٹ نے کہا ہے کہ مجھے بالکل بھی حیرانگی نہیں ہو گی اگر کھلاڑیوں کو وہ رقم دی جائے گی جو ایک یا دو دہائی قبل دی جاتی تھی۔ انہوں نے کہا کہ کرکٹ آسٹریلیا کی آمدنی 50 فیصد تک کم ہونے کا امکان ہے جو اسٹاف سمیت کھلاڑیوں کے لیے پریشانی کی بات ہے۔
مارک ٹیلر نے کہا کہ کرکٹ آسٹریلیا کے اسٹاف کے بعد اگلی باری کھلاڑیوں کی ہے۔ ان کا کہنا تھا مجھے شک ہے کہ اس معاملے کو خوش اسلوبی سے سرانجام دینے کے لیے آسٹریلین کرکٹرز ایسوسی ایشن اور کرکٹ آسٹریلیا مل کر کام کر ہے ہیں۔