Recently Finished
Live Cricket
Upcoming Matches
No live scores available
View All Matches

پاکستان ٹیم کے سابق ہیڈکوچ ڈیو واٹمور کو بھارت میں نئی نوکری مل گئی ہے جہاں وہ برودا کرکٹ ایسوسی ایشن کے ڈائریکٹر کے ساتھ ساتھ رانجی ٹرافی میں شرکت کرنے والی برودا کی ٹیم کے ہیڈکوچ بھی ہوں گے۔ ڈیو واٹمور کا معاہدہ دو سال کے لیے ہوا ہے جس کی معیاد 2022 میں ختم ہو جائے گی۔
چند روز قبل برودا کرکٹ ایسوسی ایشن نے تصدیق کی تھی کہ ڈیو واٹمور کے ساتھ معاہدہ طے پا گیا ہے لیکن کورونا وائرس کی وجہ سے پیدا ہونے والی صورتحال کے باعث کنٹریکٹ پر دستخط نہیں ہوئے ہیں۔
رانجی ٹرافی کے گزشتہ تین ایڈیشنز میں ڈیو واٹمور نے کیرالا کی ٹیم کی کوچنگ کے فرائض انجام دیئے تھے۔ ڈیو واٹمور نے سنگاپور، بنگلہ دیش، پاکستان اور زمبابوے کے ہیڈکوچ کی ذمہ داری بھی نبھائی ہے۔
یاد رہے ورلڈکپ 1996 کا ٹائٹل جیتنے والی سری لنکن ٹیم کے ہیڈکوچ بھی ڈیو واٹمور ہی تھے۔