Recently Finished
Live Cricket
Upcoming Matches
No live scores available
View All Matches

پاکستان ٹیم کے اوپننگ بیٹسمین امام الحق نے مکی آرتھر کو سخت اور مصباح الحق کو نرم مزاج کوچ قرار دے دیا۔ ویڈیو لنک کے ذریعے صحافیوں سے بات چیت کرتے ہوئے امام الحق نے کہا کہ سابق کوچ مکی آرتھر کو غلطیوں پر غصہ آ جایا کرتا تھا جبکہ مصباح الحق دھیمے انداز میں کھلاڑیوں کے ساتھ برتاؤ کرتے ہیں اور دونوں کی اپنی اپنی خصوصیت ہے۔
امام الحق نے ٹیسٹ کرکٹ میں واپسی کا عزم ظاہر کرتے ہوئے کہا کہ اس وقت پاکستان ٹیم میں اوپنرز کے درمیان سخت مقابلہ ہے جو پاکستان ٹیم کے لیے بہت اچھا ہے، ٹیسٹ کرکٹ میں شان مسعود اور عابد علی زبردست پرفارمنس دے رہے ہیں اس لیے اس جب موقع ملا تو کوشش کروں گا ہاتھ سے نہ جائے۔
اوپننگ بیٹسمین نے کھلاڑیوں کی تنخواہوں میں کٹوتی کی حمایت کرتے ہوئے کہا کہ پاکستان کرکٹ بورڈ (پی سی بی) نے اگر یہ فیصلہ لیا تو وہ اس کی حمایت کریں گے۔