Recently Finished
Live Cricket
Upcoming Matches
View All Matches

پاکستان کرکٹ ٹیم کے سابق کپتان محمد حفیظ سے ایک انٹرویو میں پوچھا گیا کہ وہ کس بیٹسمین کے ساتھ اننگز کا آغاز کرنا زیادہ پسند کریں گے تو انہوں نے قومی ٹی ٹوئنٹی ٹیم کے کپتان بابر اعظم کے ساتھ اوپننگ کرنے کی خواہش ظاہر کی۔
محمد حفیظ کا کہنا تھا کہ دنیا میں مختلف قسم کے اوپننگ بیٹسمین ہیں، کچھ جارحانہ انداز سے اننگز کا آغاز کرتے ہیں، کچھ تکنیکی اعتبار سے بہت مضبوط پلیئرز ہیں اور میں کئی کھلاڑیوں کا مداح بھی ہوں۔
محمد حفیظ نے کہا کہ اگر مجھے پاکستان سے ساتھی اوپنر منتخب کرنا پڑے تو بابر اعظم کے ساتھ اوپننگ جوڑی بناؤں گا کیونکہ ان کے ساتھ کھیلتے ہوئے دوسرے بیٹسمین کے پاس بہت وقت ہوتا ہے۔
محمد حفیظ نے روہت شرما اور ڈیوڈ وارنر کو بھی اپنے پسندیدہ اوپننگ پارٹنرز کی فہرست میں شامل کیا۔ انہوں نے کہا کہ دوسری ٹیموں سے منتخب کرنا بہت مشکل ہے لیکن روہت شرما یا ڈیوڈ وارنر کے ساتھ میری جوڑی اچھی بن سکتی ہے۔