Recently Finished
Live Cricket
Upcoming Matches
No live scores available
View All Matches

پاکستان ٹیم کے سابق کپتان انضمام الحق نے ایک یوٹیوب ویڈیو میں گفتگو کرتے ہوئے کہا ہے کہ کرکٹ میں ایک جادوگر بھی آیا ہے کیونکہ اس کے بولنگ ایکشن اور بیٹسمینوں کو گیند کرانے کے بعد دیکھنے کے انداز سے مجھے ایسا ہی لگتا تھا جیسے وہ جادوگر ہے جس کی بڑی بڑی آنکھیں ہیں۔
انضمام الحق نے کہا کہ میں سری لنکا کے سابق اسپنر مرلی دھرن کی بات کر رہا ہوں جو ایک عظیم بولر ہیں اور انہوں نے بہت اچھی کارکردگی دکھائی۔ ان کا کہنا تھا کہ ریکارڈ بنتے ہی ٹوٹنے کے لیے ہیں لیکن مرلی دھرن کی 800 ٹیسٹ وکٹوں کا ریکارڈ ٹوٹتا ہوا مشکل نظر آ رہا ہے۔
سابق کپتان نے بتایا کہ مرلی دھرن ذہنی طور پر بہت مضبوط تھے، وہ جب سارے ریکارڈز توڑنے کے قریب تھے تو گروئن انجری کا شکار ہو چکے تھے، ڈاکٹرز نے کہہ دیا تھا کہ اگر آپ نے آپریشن کرایا تو ساری زندگی کرکٹ نہیں کھیل سکیں گے۔
انضمام الحق نے بتایا کہ اس عرصے میں مرلی دھرن نے اپنی انجری چھپائی اور ان کی کسی حریف ٹیم کو پتا نہیں چلتا تھا کہ وہ کسی تکلیف سے گزر رہے ہیں۔ یاد رہے مرلی دھرن نے انٹرنیشنل کرکٹ میں 1347 وکٹیں حاصل کیں۔