Recently Finished
Live Cricket
Upcoming Matches
View All Matches

گیند بنانے والی کمپنی کوکابورا ایک ایسی ویکس تیار کرنے کے قریب پہنچ گئی ہے جس سے کھلاڑیوں کو تھوک یا پسینے کا استعمال کیے بغیر گیند کو چمکانے کی اجازت مل سکتی ہے۔
اس ویکس کے استعمال سے کورونا وائرس کی منتقلی کو روکنے میں مدد ملے گی۔ کرکٹ میں بولرز اور ان کے ساتھی کھلاڑی گیند کی ایک سائیڈ چمکانے کیلئے پسینے اور تھوک کا استعمال کرتے ہیں۔
گزشتہ ہفتے آسٹریلیا کے انسٹیٹیوٹ آف اسپورٹس کے رہنما ڈیوڈ اوچرڈ نے کرکٹ دوبارہ شروع ہونے پر گیند کو چمکانے کے لیے تھوک یا پسینے کا استعمال ممنوع قرار دیا تھا۔
ڈیوڈ اوچرڈ کا کہنا ہے کہ ہم ہر ممکن کوشش کر رہے ہیں جب کرکٹ دوبارہ بحال ہو تو بغیر کسی خوف و ڈر کے میچز کھیلے جائیں۔ اس حوالے سے کوکابورا کمپنی کا کہنا ہے کہ ہماری تیار کردہ ویکس اس کا ایک حل ہو سکتی ہے۔