Recently Finished
Live Cricket
Upcoming Matches
No live scores available
View All Matches

کیریبین پریمیر لیگ کی ٹیم جمیکا تلاواز نے کرس گیل کو ریلیز کر دیا تھا جس کے بعد ایک ویڈیو میں انہوں نے فرنچائز کو شدید تنقید کا نشانہ بنایا۔ کرس گیل نے سابق ساتھی کرکٹر اور جمیکا تلاواز کے اسسٹنٹ کوچ رام نریش سروان کو اس سب کا ذمہ دار قرار دیا تھا۔ جمیکا تلاواز نے کرس گیل کے تمام الزامات مسترد کر دیئے تھے۔
کرکٹ ویسٹ انڈیز کے صدر رکی اسکرٹ کا کہنا ہے کہ کرس گیل سی پی ایل کی بدنامی کا باعث بنے ہیں اور کنٹریکٹ یافتہ کھلاڑی کسی صورت ایسا نہیں کر سکتا۔
رکی اسکرٹ نے کہا کہ ذاتی لڑائی کو عوامی سطح پر نہیں آنا چاہیے چونکہ سی پی ایل ایک نجی لیگ ہی اس لیے وہ ان پر دباؤ نہیں ڈال سکتے مگر مجھے یقین ہے کہ کرس گیل کی سزا کے بارے میں بات ضرور ہو رہی ہے۔
کرکٹ ویسٹ انڈیز کے صدر نے مزید کہا کہ کرس گیل کا کیریئر اب ختم ہو رہا ہے اور بحیثیت صدر میں نہیں چاہتا کہ ان کا کیریئر متنازع طریقے سے اختتام پذیر ہو۔