Recently Finished
Live Cricket
Upcoming Matches
No live scores available
View All Matches

کورونا کی عالمی وبا کے پیش نظر شائقین کرکٹ مارچ کے بعد سے اب تک کرکٹ دیکھنے سے محروم ہیں لیکن اب کرکٹ کے میدان دوبارہ آباد ہونے کو تیار ہیں۔ ویسٹ انڈیز میں نئی ٹی ٹین لیگ منعقد کی جا رہی ہے جو 22 مئی سے شروع ہو گی۔
میڈیا رپورٹس کے مطابق ونسی پریمیر لیگ کا پہلا ایڈیشن 22 مئی سے 31 مئی تک کھیلا جائے گا جس میں چھ ٹیمیں حصہ لیں گی۔ چھ ٹیموں میں بوٹانک گارڈنز، سالٹ پونڈ، ڈارک ویو، فورٹ چیورولیٹ، لاسوفائیر اور گریناڈا ڈائیورز شامل ہیں۔
ٹی ٹین لیگ میں ویسٹ انڈیز کے ڈومیسٹک کرکٹرز شامل ہیں اور اگر پہلا ایڈیشن کامیاب رہا تو پھر اگلے سال بڑے کھلاڑی شامل کیے جا سکتے ہیں۔ کرکٹ میں آخری بڑا میچ کراچی کنگز اور کوئٹہ گلیڈی ایٹرز کے درمیان 15 مارچ کو کراچی میں کھیلا گیا تھا جس کے بعد سے کئی انٹرنیشنل سیریز اور آئی پی ایل ملتوی ہو چکی ہے۔